अष्ट्रेलियामा

अस्ट्रेलियाले आफ्नो सीमा सुरक्षा गर्ने क्षमताको सुदृढीकरण गरेको छ। अवैध तरिकाले डुङ्गाबाट अस्ट्रेलिया आउन खोज्नेहरु को खोजि गरिनेछ, उनीहरुलाई रोकिने छ र फिर्ता पठाइने छ।

अवैध ढंगले समुद्री बाटो हुँदै आउनेहरुका लागि अस्ट्रेलियाको सीमा बन्द रहेको छ।

मानव तस्करी, अवैध रुपमा अस्ट्रेलियामा बसाँई सर्ने प्रयासको रोकथाम र मानव तस्करीका लागि प्रयोग हुने डुङ्गामा हुने असुरक्षित समुद्री यात्रालाई निरुत्साहित गर्न अस्ट्रेलियाले कठोर सीमा सुरक्षा नीति अपनाएको छ।

कुनै खतरा नरहेको खण्डमा मानव तस्करीका लागि प्रयोग हुने डुङ्गाहरु फिर्ता पठाउने अस्ट्रेलियाको नीति रहेको छ।

अवैध ढंगले डुङ्गामार्फत अस्ट्रेलिया आएका कसैलाई पनि अस्ट्रेलियामा बस्न दिईदैन।

दुर्भाग्यवश, मानिसहरु आफ्नो पैसा नष्ट गर्दै र आफ्नो ज्यान जोखिममा राखेर गलत तरिकाले अस्ट्रेलिया प्रवेश गर्न खोज्छन्।

अस्ट्रेलियाको सीमा सुरक्षा र मानब तस्करी विरुद्धको लडाई अस्ट्रेलियाली सरकारको मात्र काम हैन; यसमा सबैको भूमिका रहेको छ

आफ्नो समुदायमा रहेका मानिसहरु, वा विदेशमा रहेका साथीभाई र परिवारसँग अस्ट्रेलियाको कठोर सीमा सुरक्षा नीतिको चर्चा गरेर तपाई सहयोग गर्न सक्नुहुन्छ।

  • अस्ट्रेलियाली भिषाका साथ सहि तरिकाले अस्ट्रेलिया आउन मानिसहरुलाई प्रोत्साहित गर्नुहोस्;
  • अवैध ढंगले डुङ्गामा अस्ट्रेलिया आउनु जोखिमपूर्ण रहेको र समय र पैसाको नाश हुने भनी बुझाउनुहोस्।
  • मानव तस्करी बारे गतिविधिहरु बोडर्र वाचलाई १८०० ००९ ६२३ मा रिपोर्ट गर्नुहोस्। जानकारीहरु आफ्नो नाम नखुलाई पनि दिन सकिन्छ।

अस्ट्रेलियाका सीमाहरु अवैध अध्यागमनका लागि बन्द रहने छन्।

म उपरथी क्रेग फुरिनि हुँ। अस्ट्रेलियाको अपरेशन सोभरेन बोर्डर्सको नयाँ कमाण्डरको रुपममा अवैध यात्रा गरि अस्ट्रेलिया आउन खोज्नेहरुलाई मेरो एउटा सरल सन्देश छ। मेरो नेतृत्वमा अस्ट्रेलियाका सीमाहरु अवैध अध्यागमनका लागि बन्द रहने छन्। यदि तपाईंले अस्ट्रेलिया प्रवेश गर्न अवैध यात्रा गरेमा तपाईंलाई रोकिनेछ र तपाईं देश वा यात्रा शुरु गरेको देश फिर्ता पठाईनेछ। अस्ट्रलिया आफ्नो सीमाको सुरक्षा र समुन्द्रमा मारिनेहरुको मृत्यु हुन नदिन गम्भीर रहेको छ। यसमा परिवर्तन हुने छैन। वर्ष भरिको प्रत्येक दिन अस्ट्रेलिका सीमाहरु माथि निगरानि राखिन्छ, गस्ती गरिन्छ र सुरक्षित राखिन्छ, र हाम्रो सीमा सुरक्षा बल पहिले भन्दा निकै बलियो रहेको छ।