अष्ट्रेलिया बाहिर

अस्ट्रेलियाले आफ्नो सीमा सुरक्षा गर्ने क्षमताको सुदृढीकरण गरेको छ। अवैध तरिकाले डुङ्गाबाट अस्ट्रेलिया आउन खोज्नेहरु को खोजि गरिनेछ, उनीहरुलाई रोकिने छ र फिर्ता पठाइने छ।

अवैध ढंगले समुद्री बाटो हुँदै आउनेहरुका लागि अस्ट्रेलियाको सीमा बन्द रहेको छ।

अनधिकृत रुपमा अस्ट्रेलिया प्रवेश गर्न खोज्ने कसैलाई पनि उनीहरुले यात्रा शुरु गरेको ठाउँमा फिर्ता पठाइनेछ, उनीहरुको देश फिर्ता पठाईन्छ वा अन्य देश पठाइनेछ।

अवैध ढंगले डुङ्गामार्फत अस्ट्रेलिया आएका कसैलाई पनि अस्ट्रेलियामा बस्न दिईदैन।

अस्ट्रेलियाको सीमा सुरक्षा गर्न, मानव तस्करीलाई निस्तेज पार्न र जोखिमपूर्ण डुङ्गामा समुद्री यात्राको प्रयास गर्ने मानिसहरुलाई निरुत्साहित गर्न अस्ट्रेलियाको कठोर सीमा सुरक्षा नीतिहरु निर्माण गरिएका हुन्।

मानव तस्करहरुको झूठहरुमा विश्वास नगर्नुहोस्।

अस्ट्रेलियामा बसोबास गराउने झूठो वाचाहरु दिएर मानव तस्करहरु मानिसहरुसँग पैसा उठाउने गर्दछन्। उनीहरुको झूठहरुमा विश्वास नगर्नुहोस्। सत्य त यो हो कि मानव तस्करहरुलाई पैसा दिएर अस्ट्रेलिया आउनका लागि डुङ्गामा अवैध यात्रा गर्नेहरु कहिले पनि आफ्नो उद्देश्यमा सफल हुँदैनन्।

मानव तस्करहरुलाई तपाईको सुरक्षा वा तपाईको भविष्यको वास्ता हुँदैन। उनीहरुलाई मात्र तपाईको पैसासँग चासो रहेको छ।

सुरक्षित र वैधानिक यात्रा गर्नुहोस्।

अस्ट्रेलिया आउने एक मात्र तरिका रहेको छ; अस्ट्रेलियाली भिषाको साथ।

सुरक्षित र वैधानिक ढंगले अस्ट्रेलिया यात्रा गर्ने सम्बन्धमा थप जानकारीका लागि, जानुहोस् गृह मामिला मन्त्रालयको वेबसाईट मा.

अस्ट्रेलियाका सीमाहरु अवैध अध्यागमनका लागि बन्द रहने छन्।

म उपरथी क्रेग फुरिनि हुँ। अस्ट्रेलियाको अपरेशन सोभरेन बोर्डर्सको नयाँ कमाण्डरको रुपममा अवैध यात्रा गरि अस्ट्रेलिया आउन खोज्नेहरुलाई मेरो एउटा सरल सन्देश छ। मेरो नेतृत्वमा अस्ट्रेलियाका सीमाहरु अवैध अध्यागमनका लागि बन्द रहने छन्। यदि तपाईंले अस्ट्रेलिया प्रवेश गर्न अवैध यात्रा गरेमा तपाईंलाई रोकिनेछ र तपाईं देश वा यात्रा शुरु गरेको देश फिर्ता पठाईनेछ। अस्ट्रलिया आफ्नो सीमाको सुरक्षा र समुन्द्रमा मारिनेहरुको मृत्यु हुन नदिन गम्भीर रहेको छ। यसमा परिवर्तन हुने छैन। वर्ष भरिको प्रत्येक दिन अस्ट्रेलिका सीमाहरु माथि निगरानि राखिन्छ, गस्ती गरिन्छ र सुरक्षित राखिन्छ, र हाम्रो सीमा सुरक्षा बल पहिले भन्दा निकै बलियो रहेको छ।