ඕස්ට්‍රේලියාවෙන් පිටත

ඔස්ට්රේලියාව තම දේශ සීමා ආරක්ෂා කිරීමේ හැකියාවන් ශක්තිමත් කර ඇත. නීති විරෝධී ලෙස ඔස්ට්‍රේලියාවට බෝට්ටුවෙන් ගමන් කිරීමට උත්සාහ කරන ඕනෑම කෙනෙක් හඳුනාගෙන, හසුකරගෙන හරවා එවනු ඇත.

නීතිවිරෝධී සමුද්‍ර සංක්‍රමණයට ඔස්ට්‍රේලියානු දේශ සීමා වසා ඇත

ඔස්ට්‍රේලියාව වෙත බලය විරහිත ලෙස බෝට්ටුවෙන් පැමිණීමට උත්සාහ කරන ඕනෑම අයෙක් ඔවුන් පැමිණි ස්ථානයටම, මව් රටට හරවා යවනු ඇත, නැතහොත් වෙනත් රටකට යැවෙනු ඇත.

ඔස්ට්‍රේලියාවට නීති විරෝධී ලෙස ගමන් කරන කිසිදු අයෙකුට ඕස්ට්රේලියාවේ රැඳී සිටීමට ඉඩ නොදේ.

ඔස්ට්‍රේලියාවේ දැඩි දේශ සීමා ආරක්ෂක ප්‍රතිපත්ති නිර්මාණය කර ඇත්තේ ඔස්ට්‍රේලියානු දේශසීමා ආරක්ෂා කරගැනීමට, මිනිස් ජාවාරමට එරෙහිව කටයුතු කිරීමට සහ විවෘත සමුද්‍රය හරහා අනතුරුදායක බෝට්ටු ගමනේ යෙදීමට උත්සාහ දැරීම වැලැක්වීමටයි.

මිනිස් ජාවරම්කරුවන්ගේ බොරු විශ්වාස නොකරන්න

මිනිස් ජාවාරම්කරුවන් මිනිසුන්ගේ මුදල් ලබාගැනීම සඳහා ඔස්ට්‍රේලියාවේ පදිංචි විය හැකි බවට ව්‍යාජ පොරොන්දු ලබාදෙයි. ඔවුන්ගේ බොරුවලට හසුවෙන්න එපා. සත්‍යය වන්නේ නීතිවිරෝධී බෝට්ටු ගමනකින් ඔස්ට්‍රේලියාවට පැමිණීමට මිනිස් ජාවාරම්කරුවන්ට මුදල් ගෙවන කිසිවෙකුට ඔවුන්ගේ අරමුණ ඉටු කරගැනීමට නොහැකි වීමයි.

මිනිස් ජාවාරම්කරුවන් ඔබගේ ආරක්ෂාව හෝ ඔබගේ අනාගතය පිළිබඳව සලකන්නේ නැත. ඔවුන් උනන්දුවන්නේ ඔබගේ මුදල් පිළිබඳව පමණයි.

ආරක්ෂිතව සහ නීත්යානුකූලව ගමන් කරන්න

ඔස්ට්‍රේලියාවට පිවිසිය හැක්කේ එකම එක ආකාරයකින් පමණි; එනම් ඔස්ට්‍රේලියානු වීසා ලබාගැනීමෙනි.

ඔස්ට්‍රේලියාවට ආරක්ෂිතව සහ නීත්යානුකූල ලෙස පැමිණීමට ඔබට ඇති විකල්ප පිළිබඳව තවත් දේ දැනගැනීමට ස්වදේශ කටයුතු දෙපාර්තමේන්තුවේ වෙබ් අඩවිය වෙත පිවිසෙන්න .

ඕස්ට්‍රේලියාවේ දැඩි දේශසීමා ආරක්ෂක ප්‍රතිපත්ති වෙනස් නොවනු ඇත

ඕස්ට්‍රේලියාවට එන ඕනෑම මිනිස් ජාවාරම් බෝට්ටුවක්, මගේ ආඥාව යටතේ නවතා ආපසු යවනු ඇත.
 

මෙය වෙනස් නොවේ.
 

මිනිස් ජාවාරම්කරුවන්හට අපේ රැකවල් විනිවිද යා නොහැක.
 

මා වැඩබලන තෙක් නොහැක.

නිකරුනේ ඔබේ ජීවිතය අනතුරේ හෙලන්න එපා - ඕස්ට්රේලියාවේ දේශ සීමා දැඩි ලෙස ශක්තිමත්ය

මම ස්වෛරී දේශ සීමා මෙහෙයුමේ ආඥාපති වෙමි.
 

ඕස්ට්‍රේලියාවේ හමුදා යොදවා මිනිස් ජාවාරම්කරුවන් සහ නීතිවිරෝධී බෝට්ටු ඕස්ට්‍රේලියාවට පැමිණීම නවතමි.
 

මිනිස් ජාවාරමට එරෙහි අපේ හැකියා සහ රැකවල් ඉතා ශක්තිමත්ය. ඒවා එසේම පවතිනු ඇත.
 

මිනිස් ජාවාරම්කරුවන්ව විශ්වාස කරන්න එපා.
 

ඔවුන් ඔබව සූරා කෑමට සිටින අපරාධකරුවන්.
 

නිකරුණේ ඔබේ ජීවිතය අනතුරේ හෙලන්න එපා.

මිනිස් ජාවාරම් කරුවන් විශ්වාස කරන්න එපා - ඔබව ආපසු හරවා යවනු ඇත

මිනිස් ජාවාරම්කරුවන්ට එරෙහි ඕස්ට්‍රේලියාවේ හමුදා මෙහෙයුම් මගේ ආඥාව යටතේ මතුවටත් සිදුවනු ඇත.
 

ඔබ නීති විරෝධී බෝට්ටු සවාරියකින් ඕස්ට්‍රේලියාවට ඒමට තැත්කළහොත් ඔබව මගදී අල්ලා ආපසු යවනු ඇත.
 

මිනිස් ජාවාරම්කරුවෝ ඔබව සූරාකති.
 

ඔබේ සහ ඔබේ පවුලේ ජීවිත මෙම අපරාධකරුවන් අතට පත් කරන්න එපා.

ඕස්ට්‍රේලියාවේ බෝට්ටු හරවා යැවීමේ ප්‍රතිපත්තියට කිසිදු වෙනසක් වී නැත

නීතිවිරෝධී විදිහට බෝට්ටු මගින් ඕස්ට්‍රේලියාවට ගමන් කිරීමට උත්සාහ කරන ඕනෑම කෙනෙකු සොයා ගැනීමට, අතරමග නැවැත්වීමට මෙන්ම ඕස්ට්‍රේලියානු මුහුදු කලාපයෙන් ඉවත් කිරීමට කටයුතු කරනු ලැබේ. මෙම නීති හැම දෙනාටම වළංගු වේ. කාටවත් සහනයක් හිමි නොවේ.