அவுஸ்திரேலியாவில்

அவுஸ்திரேலியா தனது எல்லைப்பாதுகாப்பு வல்லமையைப் பலப்படுத்தியுள்ளது. படகு மூலம் சட்டவிரோதமாக அவுஸ்திரேலியாவுக்குப் பயணிக்க எத்தனிக்கும் எவராயினும் கண்டுபிடிக்கப்பட்டு,வழிமறிக்கப்பட்டு திருப்பி அனுப்பப்படுவர்.

அவுஸ்திரேலியாவின் எல்லைகள் சட்டவிரோத கடல்வழி குடியேற்றத்திற்கு மூடப்பட்டுள்ளன   

ஆட்கடத்தலை முடிவுக்குக் கொண்டு வரவும், சட்டவிரோத கடல்வழி குடியேற்றத்தைத் தடுப்பதற்கும், ஆட்கடத்தல் படகுகளில் மக்கள் பாதுகாப்பற்ற பயண ங்கள் மேற்கொள்வதைத் தடுப்பதற்கும், அவுஸ்திரேலியா கடும் எல்லைப் பாதுகாப்பு விதிமுறைகளைக் கொண்டுள்ளது.

ஆட்கடத்தல் படகுகளை, பாதுகாப்பான சூழ்நிலையின் கீழ் திருப்பி அனுப்புவது என்பது அவுஸ்திரேலியாவின் கொள்கையாகும்.

படகு மூலம் அவுஸ்திரேலியா வர முற்படும் எவரும் அவுஸ்திரேலியாவில் தங்கியிருக்க அனுமதிக்கப்படமாட்டர்கள்

துரதிஷ்டவசமாக மக்கள் இன்னமும் தமது பணத்தை விரயம் செய்வதுடன், உயிரைப் பணயம் வைத்து தவறான வழியில் அவுஸ்திரேலியாவை வந்தடைய முயற்சிக்கிறார்கள்.

அவுஸ்திரேலியாவின் எல்லைகளைப் பாதுகாப்பதும், ஆட்கடத்தலைத் தடுப்பதும் அவுஸ்திரேலிய அரசின் பணி மட்டுமல்ல. ஒவ்வொரு தனிநபருக்கும் இதில் பங்குண்டு.

நீங்கள் ஒவ்வொருவரும் உங்கள் சமூகத்திடம், அல்லது வெளிநாட்டில் வாழும் உங்கள் நண்பர்கள் மற்றும் குடும்பத்தினரிடம், அவுஸ்திரேலியாவின் கடுமையான எல்லைப் பாதுகாப்பு விதிகள் தொடர்பில் எடுத்துரைக்கலாம்.

  • அவுஸ்திரேலிய விசா பெற்று சரியான வழியில் அவுஸ்திரேலியா வருவதற்கு மக்களை ஊக்கப்படுத்துங்கள்.
  • சட்டவிரோதமாக படகு மூலம் அவுஸ்திரேலியா வரமுற்படுவது பணவிரயம் மற்றும் நேரவிரயம் என்பதுடன் மிக ஆபத்தானது என்பதை விளக்கிக்கூறுங்கள்.
  • ஆட்கடத்தல் தொடர்பிலான செயற்பாடுகளை 1800 009 623 என்ற இலக்கத்தினூடாக Border Watch-எல்லைக் கண்காணிப்பு பிரிவினருக்கு அறியத்தாருங்கள். உங்களது அடையாளத்தை வெளிப்படுத்தாமலேயே இத்தகவலை நீங்கள் வழங்கலாம்.

சட்டவிரோத புலம்பெயர்வுக்கு அவுஸ்திரேலியாவின் எல்லைகள்  மூடியபடியே இருக்கும்

நான் மேஜர் ஜெனரல் கிரெயிக் புரினி ஆவேன். அவுஸ்திரேலியாவின் எல்லைகள் பாதுகாப்பு நடவடிக்கைக்கான புதிய கட்டளை அதிகாரி என்ற வகையில், படகு வழியாக அவுஸ்திரேலியாவுக்குப் பயணிக்க கருதும் ஒருவருக்கான ஒரு சாதாரண செய்தி ஒன்று என்னிடம் உண்டு. எனது அதிகாரத்தின்கீழ், சட்டவிரோத புலப்பெயர்வுக்கு அவுஸ்திரேலியாவின் எல்லைகள் மூடியபடியே இருக்கும். அவுஸ்திரேலியாவுக்கு ஒரு சட்டவிரோத படகுப்பயணத்திற்கு நீங்கள் எத்தனித்தால், நீங்கள் தடுத்து நிறுத்தப்பட்டு, நீங்கள் புறப்பட்டு வந்த உங்களது நாட்டுக்கு அல்லது உங்கள் சொந்த நாட்டுக்குத் திருப்பி அனுப்பப்படுவீர்கள். அவுஸ்திரேலியா தனது கரையோரங்களைப் பாதுகாப்பது மற்றும் கடலில் இறப்புக்களைத் தடுப்பது குறித்து கடுமையாக இருக்கிறது. இது மாற்றமடையாது. வருடத்தின் ஒவ்வொரு நாட்களும் அவுஸ்திரேலியாவின் கரையோரங்கள் கண்காணிக்கப்படுகிறது, ரோந்துசெல்லப்படுகிறது மற்றும் பாதுகாக்கப்படுகிறது. அத்துடன் எங்கள் கரையோரப் பாதுகாப்பு அரண்கள் முன்னரை விடவும் உறுதியாக இருக்கின்றன.

ஆஸ்திரேலிய எல்லைகள் பலப்படுத்தப்பட்டுள்ளன

ஆஸ்திரேலிய எல்லைகள் பலப்படுத்தப்பட்டுள்ளன

ஆஸ்திரேலிய அரசு Operation Sovereign Borders என்ற எல்லைப் பாதுகாப்பு நடவடிக்கையை ஆரம்பித்த இந்த 5 ஆண்டுகளில், நாம் வெற்றிகரமாக படகுகளை நிறுத்தியுள்ளதுடன் ஆட்கடத்தல் நடடிவக்கை மூலம் ஆஸ்திரேலியாவுக்கு எழுந்த அச்சுறுத்தல்களையும் அடக்கியிருக்கிறோம்.

ஆஸ்திரேலிய அதிகாரிகள் 33 படகுகளை இடைமறித்து அதிலிருந்த 827 பேரை தாம் வந்த இடத்திற்கே திருப்பியனுப்பியது மட்டுமல்லாது எமது பிராந்திய நாடுகளுடன் இணைந்து செயற்பட்டதன்மூலம் 70 ஆட்கடத்தல் பயணங்கள் ஆரம்பிக்கப்படுவதற்கு முன்னரேயே அவற்றை தடுத்திருக்கிறோம்.

கடல்வழி ஆட்கடத்தல் செயற்பாடானது ஆஸ்திரேலிய எல்லைப் பாதுகாப்பிற்கு தொடர்ந்தும் அச்சுறுத்தலான ஒன்றாகவே காணப்படுகின்றது.

அண்மையில் வியட்நாமிலிருந்து ஆட்கடத்தல் படகு ஒன்று வந்திருந்தமையானது இந்த அச்சுறுத்தல் தொடர்ந்தும் காணப்படுகிறது என்பதற்கான சிறந்த நினைவூட்டல் ஆகும்.

இப்படகில் வந்தவர்கள் விரைவாக கண்டுபிடிக்கப்பட்டு, தடுத்துவைக்கப்பட்டு திருப்பியனுப்பப்பட்டார்கள். ஆஸ்திரேலியாவில் எவரும் குடியமர்த்தப்படவில்லை.

இப்படகுப்பயணம் தோல்வியடைந்திருந்தாலும் ஆஸ்திரேலியாவை இந்தப்படகு வந்தடைந்தமையை தமது சந்தைப்படுத்தல் யுக்தியாக பயன்படுத்தும் ஆட்கடத்தல்காரர்கள் ஏனையவர்களையும் படகுப்பயணத்திற்கு இணங்கவைக்க முற்படுகின்றனர்.

குற்றவாளிகளான ஆட்கடத்தல்காரர்கள் சொல்வதைக் கேட்க வேண்டாம்.

கூடுதல் கடல்வழி மற்றும் வான்வழி கண்காணிப்பு வளங்களின் மூலம் இந்த அச்சுறுத்தலை முறியடிக்க ஆஸ்திரேலியா உறுதிபூண்டுள்ளது.

ஆஸ்திரேலியாவுக்கு சட்டவிரோதமாக படகுமூலம் வர முற்பட்டால் நீங்கள் நிறுத்தப்படுவீர்கள்.

எமது எல்லைப் பாதுகாப்பு கொள்கைகள் மாறவில்லை, மாற்றப்படவும் மாட்டாது.

எமது நாட்டின் இறைமை மற்றும் பாதுகாப்பை எதற்காகவும் விட்டுக்கொடுக்க மாட்டோம்.

பிராந்திய செயலாக்க மையங்கள் தொடர்ந்தும் நடைமுறையில் இருக்கும் அத்துடன் பிராந்திய செயலாக்க மையங்களுக்கு அனுப்பப்படும் எவரும் ஆஸ்திரேலியாவில் குடியமர்த்தப்படமாட்டார்கள்.

ஆஸ்திரேலிய எல்லைப் பாதுகாப்பு நடவடிக்கை வலுவூட்டப்பட்டுள்ளமையானது ஒரு உறுதியான செய்தியை ஆட்கடத்தல்காரர்களுக்கும் அவர்களது சேவையை நாடுபவர்களுக்கும் சொல்கிறது. எமது எல்லைகளைப் பாதுகாப்பது, ஆட்கடத்தல் நடவடிக்கையை எதிர்ப்பது மற்றும் கடலில் ஏற்படும் உயிரிழப்புகளைத் தடுப்பது என்பதில் ஆஸ்திரேலிய அரசு முன்னெப்போதும் இல்லாதளவு உறுதிப்பாட்டுடன் உள்ளது.

படகைத் திருப்பி அனுப்பும் அவுஸ்திரேலியாவின் கொள்கை மாறாது

சட்டவிரோதமாக படகுமூலம் ஆஸ்திரேலியாவுக்குப் பயணிக்க எத்தனிக்கும் எந்த ஒரு நபரும், கண்டுபிடிக்கப்பட்டு, இடை மறிக்கப்படுவதுடன், ஆஸ்திரேலிய கடற்பரப்பிலிருந்து பாதுகாப்பாக அப்புறப்படுத்தப்படுவார். இந்த விதிகள் எல்லோருக்கும் பொருந்தும்; விதிவிலக்குகள் கிடையாது.