Bilkúl Mowka Nái

Australiar címa ókkol óre cokkor lagaza guñça din, fotti din

Australiar mikká ejazot adiyya buth or sófor or kucíc goréde zehonó kiyóre hítarar neelar zagar mikká fissá fírai diyazaibo, hítarar gór or dec ót wafes diyazaibo, yáto karuair wasté tesóra dec ót fargorázaibo.

2013 óite, bekaanuni gólar kucíc gorédde fotti buth oré Australia ye ousífélaiye. Fotti zañás óre dhák óttun soñi goráza. Australiar mikká bekaanuni híjorot or mowka bilkúl nái.

Manúic loizoiya dalal ókkol ólla repot goró

Manúic loizoiya dalal ókkol é Australiat bocóti gorár misá waada ókkol estemal goré manúic óre razi goráibólla taáke hítarar dukkór zoma thiñya uitaráré gosáidefán. Hítatar misá hotá ókkol biccác nogoijjó.

Australiar mikká bekaanuni buth or sófor ólla dalal ókkol óre thiñya diyyéde kiyé hítara kiyólla diyyéde hían hásel noógoré. Dalal ókkol é tuñár héfazot ar mustokbel or forba nogoré. Hítarar mon búlazade seróf tuñár thiñyar wore.

Manúic loizoiya ofóradi dalal ókkol óre rukífélo hítaralla Címa Soñi ot repot goríyore.

Címa Soñir Wébsait

Héfazot or sáñte ar kaanuni báfe sófor goró

Australiattun insáni hámdordi ar híjrot or program ókkol asé, ar rifuji ókkol óre estekbal gorár ekkán lamba tarikh asé.

Australiar mikká maháfuz ar kaanuni sófor ólla tuñár súurot ókkol ór babote talac goríbólla Department of Home Affairs Imigrecén ar Decóittayi wébsait ot gólisoó.

Australiar mikká seróf ekkán kaanuni rasta óiyede oggúa sóiyi Australi vízar dorhás goríyore. Manúic loizoiya dalal ókkol é tuñáre oinno kessú hoibó - hítarar misá hotá ókkol ót nofoijjo.

Imigrecénor Wénsait