انسانی سمگلر لوگوں کی خون پسینے کی کمائی ہتھیانے کے لیے آسٹریلیا بسانے کے جھوٹے وعدے کرتے ہیں۔ انکے جھوٹ پر یقین نہ کریں۔

کشتی سے غیر قانونی طور پر آسٹریلیا آنے کے لیے انسانی سمگلروں کو پیسے دینے والا کوئی شخص کامیاب نہیں ہوگا۔ انسانی سمگلروں کو آپکی سلامتی یا آپکے مستقبل کی پروا نہیں ہوتی۔ انہیں صرف آپکے پیسے میں دلچسپی ہوتی ہے۔

بارڈر واچ کو سمگلروں کی رپورٹ کر کے انسانی سمگلنگ کے مجرمانہ دھندے کو روکیں۔ 

آسٹریلیا انسانی ہمدردی اور مائیگریشن کے فراخدلانہ پروگرام رکھتا ہے اور ہمارے ملک میں پناہ گزینوں کا خیر مقدم کرنے کی طویل تاریخ موجود ہے۔

بحفاظت اور قانونی طور پر آسٹریلیا آنے کے مواقع کے متعلق جاننے کے لیے ڈیپارٹمنٹ آف ہوم افیئرز کی امیگریشن اینڈ سٹیزن شپ ویب سائیٹ دیکھیں۔

آسٹریلیا آنے کا واحد قانونی طریقہ درست آسٹریلین ویزے کی درخواست دینا ہے۔ انسانی سمگلر آپ کو کچھ اور ہی بتائیں گے - انکے جھانسے میں نہ آئیں۔